傳媒報導
謝雪心坪洲當義工
為獨居長者家換燈泡
《 業界頭條 》
謝雪心與胡楓近年來很積極參予有關照顧長者的慈善活動,由於他倆與榮華慈善基金會主席楊榮華是好朋友,謝雪心就答應擔任該基金會「愛心大使」,胡楓就受邀擔任「慈善大使」,日前基金會去坪洲舉行家居探訪考察,心姐跟義工一起落區與長者聊天和協助他們維修家居。
當天早上基金會主席楊榮華及心姐聯同義工約30人,浩浩蕩蕩進行了一次坪洲的長者家訪活動,心姐透過基金會這次家訪可了解長者日常需要,義工隊分隊後共探訪了15個家庭,從家訪過程中,了解長者的需要,並聆聽他們生活的情況,評估家居維修項目,為他們更換燈泡、升高廁板、增加扶手等,務求長者可以住得安心。
2019/08/07 18:16
點擊圖片閱讀全文
百本都有應邀出席
「智愛寶」產品發佈會
《百本動態》
隨着人口老化越來越明顯,社會對長者服務嘅需求一直有增無減。榮華慈善基金就推出名為「智愛寶」嘅定位及健康訊息管理平台,可以讓家人知道長者嘅實時位置,減輕長者走失風險,同時監察長者健康數據,百本都有應邀出席產品發佈會。
「智愛寶」係由榮華慈善基金成立嘅榮華愛心科技服務有限公司,與「香港物流及供應鏈研發中心」(簡稱LSCM)合作研發嘅樂齡科技項目,並獲香港創新科技署創新及科技基金贊助,專門針對認知障礙症患者而設計嘅定位同防走失管理服務,患者帶喺身邊,屋企人就可以憑訊號搵到佢地。
慈善基金同時推出先導計劃,只要年滿65歲,有領取綜援或長者生活津貼嘅長者,或有初期認知障礙症嘅患者,都可以申請參與先導計劃,獲批核者可免費使用「智愛寶」服務3個月,名額1,000個。
2018/01/09
點擊圖片閱讀全文
「智愛寶」幫助腦退化長者
謝雪心:好多老友記都唔認老
《蘋果-娛樂》
今年已經85歲嘅胡楓,同64歲嘅謝雪心,依然好精靈,絕對冇腦退化徵狀,最近佢兩位應「榮華慈善基金」邀請,拍咗一條宣傳短片,內容主要係介紹定位系統,等親友容易搵到迷路長者。呢個叫「智愛寶」系統係由呢個基金會搵人研發出嚟,專門針對腦退化患者而設計嘅定位同防走失管理服務。患者帶喺身邊,屋企人就可以憑訊號搵到佢地。
宣傳短片都係介紹呢個系統,片中心姐和修哥都係扮演有腦退化嘅病人,片中心姐遺下孫囡,自己唔知走咗去邊。心姐:「其實好多老友記都會唔認老,亦唔肯去睇醫生,希望影片可以帶去訊息,令一班老友記去面對病情嘅嚴重性。」拍攝當日係心姐正日生日,真真正正不遺餘力。放棄與家人慶祝生日,都要為慈善出一份力。
2017/11/02
點擊圖片閱讀全文